كلمات تتر مسلسل "80 باكو" لـ صابرين النجيلي
طرحت الفنانة صابرين النجيلي، أغنية "يا صغير على الهم يا قلبي" وهي تتر مسلسل "80 باكو" بطولة الفنانة هدى المفتي وانتصار ورحمة أحمد.
الأغنية من كلمات منة عدلي القيعي وألحان عزيز الشافعي وتوزيع أحمد عادل، وجاءت كلمات الأغنية كالتالي:
يا صغير على الهم يا قلبي
يا شايل جواك ومعبي يا قلبي
اللي زينا المفروض يتدلع
دنيته تبقى بمبي في بمبي
اللي زينا ده يعيش متهني
يضحك يرقص يبسط يغني
ياما نفسي أنام مرتاح بالي
ياما نفسي حد يشيل عني
ماشيين بالزق ماقولناش لا
ماقولناش لا وقولنا الـ أه
قولنا الـ أه ورضينا بالهم ومبيرضاش
كل اللي حيلتنا شوية فكة
شوية فكة تمشي السكة
تمشي السكة تعلي الضحكة ومزعلناش
مش لاقية علينا الزنقة
ولا بنحب نعيش في الخنقة
لولا بس عناد الحظ
كان لينا في النغنغة سابقة
سالكين اوي ولذاذ إحنا
بنفرفش وسط المحنة
والدنيا مش دغري معانا ودايما غاوية تمرجحنا
نرشح لك: رمضان 2025.. أبرز أحدث الحلقة الأولى من "أشغال شقة جدا"
مسلسل "80 باكو" بطولة الفنانة هدى المفتي وانتصار ورحمة أحمد ودنيا سامي ووليد المغازي وخالد مختار، من تأليف غادة عبد العال وإخراج كوثر يونس.