رمضان 2025.. كلمات تتر مسلسل "الكابتن" لـ أكرم حسني
طرح الفنان أكرم حسني، أغنية "حضرات السادة" وهي تتر مسلسل "الكابتن" الذي يُشارك به ضمن السباق الرمضاني 2025.
أغنية "حضرات السادة"، غناء أكرم حسني ومريم عزيز، من كلمات أكرم حسني، وألحان كريم عاشور وأحمد وحيد، الذي يتولى التوزيع أيضًا.
نرشح لك: ذُكرت في "ولاد الشمس".. كلمات أغنية "إذا الشمس غرقت" للشيخ إمام
وجاءت كلمات أغنية "حضرات السادة" كالتالي:
حضرات السادة.. برجاء الانتباه
ده النداء الأخير.. اللي ياما اتقال كتير
حضرات السادة.. بقول أهو وبعيد
للقريب والبعيد.. للصغير والكبير
اللي راح راح.. اللي فات مات
واللي كان كان.. يبقى ماتشتكيش
قولي مين مين.. استفاد فاد
لما عاش عاش.. من غير ما يعيش
ليه نخليها فرصة ضايعة
لسه فيها خروجة صايعة
طظ في الناس اللي بايعة
سيبك من كل اللي ضاع
زقطط من أول مقابلة
كلمة سر وضحكة هبلة
رحلة طالعة وجايبة طبلة
رقصونا على الإيقاع
الحق ارقص رقصة حلوة
تترقص على غنوة حلوة
تتلعب في وسط لمة
لما تبقة اللمة حلوة
الحق قول آسف بجد
الحق أحضن أي حد
ده اللي يدي حد حق
أحسن برضه من اللي خد
يا حظه اللي حظه من الدنيا أنه عاشها في سعادة.. يا حظه
يا بخته اللي من بدري فهمها دي ملهاش إعادة.. يا بخته
يا بخته عشان محظوظ.. بتضحكله لما يعوز
وتلوي لغيره البوز ويجوز تسيبله الجراح
ما اللي راح راح.. واللي فات مات
واللي كان كان.. يبقى ماتشتكيش
قولي مين مين.. استفاد فاد
لما عاش عاش.. من غير ما يعيش
في الهم زُق زُق.. وقوله تُؤ تُؤ.. مش عايزك لأ لأ
مش طالبة خالص عكننة
لو كله طيخ طاخ.. اقلبها هئ مئ
ما هو أنت تستحق.. تدلع نفسك كام سنة
الحق أمشي في الشوارع
اتعشى طاجن كوارع.. فعل عيش خليه مضارع مستمر طول حياتك
لو بتحب قول وعبّر.. زعلّوك و ماله كبّر
هو أصلا إيه يصبر..غير الضحك على اللي فاتك
الحق ارقص رقصة حلوة
تترقص على غنوة حلوة تتلعب في وسط لمة
لما تبقي اللمة حلوة.. الحق قول آسف بجد
الحق أحضن أي حد
ده اللي يدي حد حق.. أحسن برضه من اللي خد
وكان أكرم حسني، قد أطلق منذ أيام أغنية "زامباهولا" بالتعاون مع شارموفرز، وخلال ساعات قليلة تصدرت الأغنية اهتمامات يوتيوب، وأصبحت أيضًا من الأكثر استخدامًا على موقع تيكتوك.
ويقدم "حسني" في مسلسل "الكابتن" شخصية الطيار حسام عز الدين، الذي يرتكب خطأً غير مقصود خلال إحدى رحلاته الجوية، مما يؤدي إلى سقوط الطائرة، ويجد "حسام" أنه الناجي الوحيد من الحطام، لكنه يكتشف أن أرواح الركاب تحضر له لتطلب منه تنفيذ مهام عالقة من أجل إنقاذ أرواحهم.
مسلسل الكابتن من بطولة أكرم حسني واَية سماحة وسوسن بدر وأحمد عبد الوهاب ورحمة فرج وميمي جمال ومحمد رضوان وسامي مغاوري وأحمد الرافعي، قصة أيمن الشايب وتأليف عمرو الدالي، ومن إخراج معتز التوني، وإنتاج كريم أبو ذكري.