من إعلان البنك الأهلي.. كلمات أغنية "العالم جواك" لـ حماقي وويجز
قدما محمد حماقي وويجز أغنية تحمل اسم "جواك عالم"، ضمن الحملة الإعلانية الجديدة للبنك الأهلي المصري بالتزامن مع شهر رمضان 2025، كما فوجئ الجمهور بظهور الفنانة الراحلة سعاد حسني باستخدام الذكاء الاصطناعي، وكذلك موسيقار الأجيال محمد عبد الوهاب وغيرهما.
أغنية "جواك عالم" من كلمات أحمد حسن راؤول، ألحان مدين، توزيع حسن الشافعي.
وجاءت كلمات أغنية "جواك عالم" على النحو الآتي:
جواك عالم مليان تفاصيل
لو تتعب يوم يسند ويشيل
مليان حكايات في الدم جينات
عالم متفصل ليك تفصيل
بص في روحك هتشوف حواديت
ناس شبهك مع فرق التوقيت
صورة من حلمك شكلك أو اسمك
حكاويهم مالية حيطان البيت
جواك عالم أحلم به
بص فيك تلاقيه
كل لحظه معاك
جواك عايشة روح ملايين
من سنين وسنين في الطريق وياك
جواك عالم احلم به من سنين وسنين
بطاقة دي في الهوا في الهوا
جواك عايشه روح ملايين
السر ده في النيل
بيحكي تاريخ من الأول..الأول اه
جواك صورة مش سيباك
لو في يوم تتعب هتلقى ناس كتير سنداك
أنا تاريخي مالي الدنيا
تاريخي مالي الدنيا
جوايا عالم هي بلادي حب حياتي
كنت بغني في مدرستي
وسط أصحابي بلادي بلادي
عندي فخر في جيناتي
أنا طالع لأجدادي
أنا شايف التاريخ حواليا
أنا شايف الحياة قدامي
أنا مصري والتاريخ كله عارف انا مين
احنا اللي بدأناها احنا بعدين التاريخ
كان في وقت صعب عادي قمت معدي بيه
كل وقت الشده تلاقي بيظهر بطل فيه
جوالك عالم أحلم به
بص فيك تلاقيه كل لحظه معاك
جواك عايشة روح ملايين
السر ده في النيل
بيحكي تاريخ من الأول
آه جواك صوره مش سايباك
لو في يوم تتعب هتلقى ناس كتير سنداك
وحرص البنك الأهلي المصري من خلال الإعلان الجديد على الربط بين ماضي مصر العريق والحاضر ومميزاته والاتجاه نحو التفكير في المستقبل من خلال استعراض الأجيال المصرية المختلفة عبر العصور، وهو الاتجاه الذي يشير له البنك الأهلي المصري دائمًا في حملاته الإعلانية كافة، منذ تأسيسه وعلى مدار أكثر من 126 عامًا، تحت شعار "بنك أهل مصر".
حيث اعتمد إعلان البنك الأهلي المصري الجديد على تقنيات الذكاء الاصطناعي "Ai" لربط الأزمنة المختلفة، مصر الفرعونية، والقديمة والتي تمثلت بظهور خاص للفنانة سعاد حسني وموسيقار الأجيال محمد عبد الوهاب مع محمد حماقي وويجز، للتأكيد على رسالة البنك الأهلي وإيمانه بضرورة ربط الحاضر بالماضي.