بدرية طلبة باكية: "مش بنام ورافضة وفاة جوزي"

عبرت الفنانة بدرية طلبة، عن استيائها الشديد من التعليقات المسيئة على السوشيال ميديا التي اتهمتها بقتل زوجها عقب إعلان وفاته.

قالت بدرية خلال حوارها ببرنامج "أسرار"، مع الإعلامية أميرة بدر، المذاع على قناة "النهار": "معرفش اللي كتبت تعليق تقول إني قتلت جوزي وسافرت جابت الجرأة دي منين، مرفوع عليها قضية، والمحامي حلف مش هيسبها لأن التعليق كان جزم بالقتل وليس سؤال".

نرشح لك: داليا مصطفى: تعرضت للتحرش أكثر من مرة في طفولتي

أوضحت بدرية طلبة، أنها قبل وفاته بوقت قليل، باركت له على تكريمه لأن هناك مهرجان أطلق اسمه عليه في الإسكندرية، مضيفة: "كنت سيباه زي الفل، وكنت في فرنسا بعمل مسرحية (الدور الرابع)، وقبلها طلعت عملت عمرة مع أولادي وأحفادي، وهو متابعنا وكان كويس".

انهارت بدرية طلبة في البكاء، قائلة: "ربنا وحده وكيلي، والله أنا ما بنام، رافضة أنه أتوفى.. أصل الناس ظالمة قوي.. والناس طلقتنا وجوزتنا وبيقولوا سابته وهو عيان، ومن الكلام ده خلوني راجعت الكاميرات بتاعة البيت لأن ممكن أكون سيبته تعبان، ولقيته زي الفل".

كما وجهت حديثها لمنتقديها: "أنتم هتكونوا أحن عليه مني، ولو أنا طليقته في بينا عشرة هحزن عليه، وبنتي الكبيرة اللي كانت هنا والأحفاد عرفوا من المدرسة وانهاروا".

تابعت: "إزاي تيجوا على واحدة عايشة معاه أكثر من 30 سنة ويقولوا إني قتلته! وأنا ملحقتش أدفنه وده اللي واجعني، وقلت لهم صورهولي فقالولي لا حرام.. وكنت عايزة أطبطب عليه.. ومحدش عارف كواليس حياتنا وأنا قررت دلوقتي إني أضايق اللي ضايقوني والناس دي بيضيقوني".

تابعت: "وجوزي كان عايز يموت وهما أخدوا منه المسرح وكان في مشاكل بينه وبين المكان اللي مأجر المكان وحصل مشاكل فمشي وساب كل حاجة".