دينا الشربيني تكشف عن إصابتها بجلطة بعد وفاة والدها

كشفت الفنانة دينا الشربيني عن إصابتها بجلطة في الرئة، بعد وفاة والدها، والتي كانت أمرا صعبا جدا بالنسبة لها لأنه توفي بشكل مفاجئ.

قالت "الشربيني"، خلال لقائها في برنامج "ABtalks": "ماماتي تعبت جدا، وفوجئت بأن بابا هو اللي توفى قبلها، وبعدين هي بعده بـ 5 شهور وكان عندها كانسر عنيف جدا، وشوفت حاجات مكنتش عايزة أشوفها فيها.. وفاة بابا كانت مفاجأة، فكانت أصعب بالنسبة لي".

نرشح لك: كلمات أغنية "حبيبي وابن حبيبي" من "كامل العدد++"

تابعت: "بعد وفاة بابا جات لي جلطة، ومحدش عرف خالص، وكنت مخبية على والدتي، عشان هي تعبانة وكمان موت بابا.. جلطة كانت طالعة على الرئة بس الحمد لله لحقتها، وقعدت بعدها 9 شهور أخد حاجات للسيولة".

أما عن شائعة ارتباطها بـ أنس بوخش قالت: "المصريين كانوا مبسوطين جدا، أنا بحب أنس جدا وإحنا أصدقاء.. أنا قولت بعد الإشاعة إني مرتبطة بشخص من خارج الوسط الفني مش أنس".

كما تحدثت عن خوضها علاقة حب قائلة: "كان فيه ارتباط ومحصلش نصيب بس الشخص ده من أحسن الناس اللي قابلتهم في حياتي لو مش أحسنهم.. فيه احترام بينا، بحبه جدا، كان داعم وقت وفاة أهلي ودي ماتتقدرش بأي حاجة في الدنيا، وإحنا أصحاب أوي دلوقتي وبنتكلم على طول بس مفيش علاقة".