أحمد شوبير: زعلان من إبراهيم فايق.. وماينفعش يكون منافس ليا

أكد الإعلامي أحمد شوبير، أن 90% من الإعلاميين الرياضيين الموجودين على الساحة الرياضية هو الذي أخرجهم من خلال برامجه، قائلا: "أنا اللي طلعت إبراهيم فايق ومهيب عبد الهادي وغيرهم من أسماء كبيرة وفي ناس شالت الجميل ومحترمة ومش لازم يكون مذيع".

أوضح "شوبير" خلال حواره في برنامج "أسرار"، مع الإعلامية أميرة بدر، المذاع على قناة النهار، أن الشخصيات التي حفظت جميله لا يشترط يكونوا مذيعين ممكن مخرج وممكن مونتير، قائلا: "في ناس دايما يطلعوا يتكلموا عليا بكل حب واحترام وناس بتنسى وأعطي الفرصة على أساس الموهبة".

وتابع: "شفت من إبراهيم فايق إنه ممكن يطلع منه حاجة وهو موهوب رغم أنه مش بيجيب سيرتي خالص وأنا أول واحد طلعته وممكن ازعل منه وهو في الآخر ابني لكن لو حصل له حاجة وحشة هكون أول واحد جنبه وزعلان منه كأب وهو مينفعش يبقى منافس بالنسبة لي لأنه ابني وفي حد دخل في دماغه حكاية المنافسة وأحب ما علي يكون رقم واحد".

ورد على اسم برنامج "الكورة مع فايق"، قائلا: "الكورة هتفضل دايما مع شوبير، ده اسمي وأنا اللي اخترعته، فيه حاجات كده مفيش فيها فصال، دايما الكورة مع شوبير وتظل مع شوبير".