أحمد شوبير: اتظلمت في قضية أحمد رفعت
أكد الاعلامي أحمد شوبير، على عدم اتهامه للاعب الراحل أحمد رفعت بتعاطي المنشطات، موضحا أن العديد من اللاعبين لا يعرفون طبيعية المنشطات بشكل عام وليس شخص أحمد رفعت.
وأضاف أحمد شوبير، خلال حواره ببرنامج "أسرار"، مع الاعلامية اميرة بدر، المذاع على قناة النهار: "أنا على طول بتكلم على المنشطات لأننا معندناش أي وقاية في مصر، لأن الولاد مش عارفين ولا فاهين حاجة أنا عايز الناس يبقى عندها وعي، فيه حاجات الناس بتخدها ممكن تبقى منشطات والناس لازم تبقى عارفة ده وكان ساعتها رمضان صبحي نفس المشكلة، وقولت يا جماعة أنتوا بطلتوا تعملوا تحليل على المنشطات في المباريات مستحيل أهاجم أحمد رفعت".
أشار: "أنا مش بتاع بروباجندا وزرت أحمد رفعت أنا وابني مصطفى لما كان في المستشفى ولا اتصورت ولا قولت كلمة، أحمد ربنا يرحمه وأنا اللي اتظلمت في الموضوع".
تابع: "تقرير النيابة هو الفيصل في حالة أحمد رفعت وهو كان بيحلم بالاحتراف وتحقيق عائد مادي إنما لا اعتقد حد ظلمه في الاجراءات والناس اتهمتني أني قاتل وفي ناس بتتهم من غير معرفة بالتفاصيل والسوشيال ميديا لما تكتب تتحول أهلي وزمالك وناس تدخل في الظيطة".