جاءت في مسلسل "لام شمسية".. كلمات أغنية "الكدب" لـ سمر طارق
طرحت المطربة سمر طارق أغنية بعنوان "الكدب"، ضمن أحداث الحلقة السادسة من مسلسل "لام شمسية"، الذي بدأ عرضه ضمن سباق دراما النصف الثاني من رمضان 2025.
أغنية "الكدب" من غناء وكلمات وألحان سمر طارق.
وجاءت كلمات أغنية "الكدب" على النحو الآتي:
أنا مضطرة اقول إن الحكاية
هنا أنا كنت بحر مالوش نهاية
لا انا معايا ومش معايا
وانت شط ومفيش مابينا ريح
بتقولها في المراية ولّا بتقول لـ مين
أنا في حاجات جوايا شايلاها السنين
ولو هقول حاجة فهقول كلمتين
الكدب أحيانا مريح
سيبت باب كان مقفول
لا عملت حساب كان معقول
انك بالذات انت تقول
ان مافيش شيء
طب ايه اللي بينا في الوضع الحالي
غير ان تصعب على نفسي حالي
ده كل اللي في بالي
قلبي متعوّد يضيق
متأخر عرفت متأخر
في ناس بتتبخر
من غير سلام
تتأثر فا تبتدي تفكر
مين اللي يتقدر
مع الأيام
مسلسل لام شمسية من بطولة أمينة خليل، أحمد السعدني، محمد شاهين، ثراء جبيل، يسرا اللوزي، صفاء الطوخي، ياسمينا العبد، وآخرين، وهو من إخراج كريم الشناوي، ومن تأليف مريم نعوم، وإنتاج ميديا هب سعدي وجوهر.
وتدور أحداث مسلسل "لام شمسية" فى إطار الـ15 حلقة من التشويق والإثارة والأحداث الاجتماعية، حول "نيللي" زوجة الأب التي تتهم صديق زوجها المقرب من الأسرة بالتحرش بابن زوجها، حيث لاحظت عليه تصرفات غير سوية معه. ومع إنكاره الشديد تحاول حماية الطفل وتأكيد الواقعة، ما يجعلها تدخل في عديد من الصراعات.
ويعرض مسلسل "لام شمسية" على قناة DMC، في تمام الساعة 7:15 مساءً، ويعاد بثه في الساعة 1:30 صباحًا، و9:30 صباحًا