أحمد العوضي: لا أنشغل بالانتقادات

ردّ الفنان أحمد العوضي على عدد من الأسئلة المتعلقة بحياته الشخصية والمهنية، مؤكدًا أنه يفضل عدم التطرق إلى الأمور الخاصة.

عند سؤاله عن مدى انزعاجه من الحديث عن أموره الخاصة، قال "العوضي" في بودكاست "The Sight" على WATCH iT: "أنا بحب حياتي الخاصة ومبحبش حد يسألني عنها. كفنان وممثل ونجم، أي حد من حقه يسألني عن شغلي براحتُه، لكن في الأمور الشخصية، لا بحب أتكلم ولا برد".

وحول زواجه بعد رمضان، أوضح أنه صرح بذلك بالفعل، لكن لم يُفصح عن تفاصيل أخرى، بشأن من سيتزوجها أو الموعد. مضيفا: "لكن الناس بيبلوروا الكلام بطريقتهم، أنا بتفرج زيي زيك، واكتشف لأول مرة زي الناس".

بشأن الهجوم الذي يواجهه، خاصة فيما يتعلق بمسلسلاته وأدواره، قال أحمد العوضي: "كل واحد له الحق إنه يقول رأيه، وده شيء عظيم، لكن الكلام مش هيغير الواقع. الرزق مَقسوم، النجاح مَقسوم، والفشل مَقسوم، فالكلام مش هيزود ولا هيقلل حاجة".

نرشح لك: رأي حسن الرداد في عمل مسابقات ترويجية للمسلسلات

أكد أنه لا يلتفت للانتقادات السلبية: "أنا ببص للناس اللي بتحبني، مش للناس اللي بتهاجمني. مدام في حد بيحب أحمد، فده اللي يهمني، والطاقة اللي بأخدها من الحب ده بتساعدني أكمل. مفيش حد في الدنيا الناس كلها متفقة عليه، وده حق أي حد إنه يحب أو ما يحبش".