كلمات أغنية "حفلة تنكرية" لـ أحمد العوضي ورحمة محسن
طرحت شركة "Nj Music" أغنية تحمل اسم "حفلة تنكرية" للفنان أحمد العوضي ورحمة محسن، عبر قناتها الرسمية على موقع الفيديوهات "يوتيوب"، والتي عرضت ضمن أحداث مسلسل "فهد البطل" الذي يعرض في موسم دراما رمضان 2025.
أغنية "حفلة تنكرية" من كلمات ملاك عادل، ألحان مصطفى العسال، توزيع إسلام ساسو.
وجاءت كلمات أغنية "حفلة تنكرية" على النحو الآتي:
يا عين يا ليل يا
ليل يا ليل يا عين ياليل
ناس مش أحلى حاجة
والحال مش مية مية
الدنيا بقت عباره عن حفلة تنكرية
وحفيت على حد سالك
ومالقيتش يا دنيا حد
والنفسيات تخوف
واللي جوه الناس يخض
وحفيت على حد سالك
ومالقيتش يا دنيا حد
دي النفسيات تخوف
واللي جوه الناس يخض
ده أنا الزمان ياما دغدغني
ده مضحي بيا ومستغني
لما ضحكت لي الأيام
سهتني علشان تلدغني
قولوا لي راحة البال فينها
الدنيا كترت أسافينها
والحزن عامل فيها شقيق
والفرح عامل من بنها
الدنيا عاملة
عامله معايا الغلط
عملت إيه في حياتي غلط؟
الدنيا عاملة معايا الغلط
عملت إيه؟
ده أنا الزمان ياما دغدغني
ده مضحي بيا ومستغني
ولما ضحكت لي الأيام
سهتني علشان تلدغني
قولوا لي راحة البال فينها
الدنيا كترت أسافينها
وهتيجي فرحة قلبي منين
والدنيا والناس دايسينها
مسلسل "فهد البطل" بطولة أحمد العوضي، ميرنا نور الدين، وكارولين عزمي وأحمد عبد العزيز، ومن تأليف محمود حمدان وإخراج محمد عبد السلام.