مي كساب عن "المداح 5": يستحق النجاح
تحدثت الفنانة مي كساب عن مشاركتها في الجزء الخامس من مسلسل "المداح"، الذي يعرض في موسم دراما رمضان 2025.
كتبت "كساب" عبر حسابها الرسمي على موقع تبادل الصور والفيديوهات "إنستجرام": "تجربة استمتعت بيها جدا من قلبي (لوكيشن) محترم نقي هادي كله طاقة حلوة، لوكيشن نظيف القلب والطبع حاجة كده ولا في الخيال".
نرشح لك: شاهد.. برومو فيلم "سيكو سيكو" لـ طه دسوقي وعصام عمر
كما أشادت بالفنان حمادة هلال، قائلة: "أنت مع مداح القلوب حمادة هلال صاحب العمر، النجم الكبير اللي قلبه كله خير وحلاوة، ربنا يزيده نجاح وتألق".
وعبرت وعن سعادتها بالتعاون مع المخرج أحمد سمير فرج، مضيفة: "سعيدة بالشغل مع المخرج الكبير الواعي المحترم، اللي لولا تعبه وإخلاصه وتوجيهاته وحبه وفهمه الكبير للرسالة اللي عاوز يقدمها من (المداح) مكنش هيحصل النجاح الكبير ده".
أضافت: "تستاهلوا النجاح، لايق عليكم يا مخلصين يا حلوين هتوحشوني قوي.. وفعلا يا أحمد يا جلال عرفت قيمة (المداح) والسنة الجاية بقى عفريتة ملبوسة أنا جاي، حتى لو مشهد.. بحبكم من كل قلبي، شكرا لكل فريق العمل الجامدين الناجحين الحلوين.. وشركة أستاذ صادق وأنور الصباح.. ومبروك النجاح".
مسلسل "المداح 5: أسطورة العهد" بطولة الفنان حمادة هلال وغادة عادل وخالد الصاوي وخالد سرحان وهبة مجدي ومي كساب ودنيا عبد العزيز ويسرا اللوزي وتامر شلتوت، من تأليف أمين جمال ووليد أبوالمجد، وإخراج أحمد سمير فرج.