مجدي الهواري يكشف مصير الجزء الثاني من "55 إسعاف"
كشف المنتج والمخرج مجدي الهواري عن مصير الجزء الثاني من فيلم "55 إسعاف"، موضحا أنه كان سيتم تنفيذه باسم "66 مطافي" ولكن لم يكتمل.
قال "الهواري" في لقائه مع برنامج "حبر سري" على شاشة القاهرة والناس: "66 مطافي، كان هيتعمل بس نظرا لأن مدرستين الكوميديا بتاعة محمد سعد وأحمد حلمي مختلفة، فمحصلش كيميا إنهم يكملوا".
تابع: "بس أنا أعتقد إنهم ممكن في يوم من الأيام حتى لو كبروا عن الشخصيات دي إن هما يعملوا فيلم تاني مع بعض مش لازم 66 مطافي".
في سياق مختلف، تحدث عن علاقته بزوجته السابقة الفنانة غادة عادل بعد زواجه من دنيا عبد المعبود، وعلق على تصريحه السابق بأنه يريد أن تتقبل زوجته الجديدة حبه لـ غادة عادل، وقال: "الفيديو ساعتها اتقطع، أنا قلت إن هي تبقى متقبلة إني أحب أم ولادي، ودنيا كانت متجوزة لو أنا مش متقبل إنها تكلم الاكس بتاعها في شئون بنتها يبقى أنا راجل مش موزون، فطبيعي إن أنا اختار واحدة موزونة كفاية وتتقبل إن أنا وغادة ممكن نتكلم مع بعض بخصوص ولادنا".