شاهد.. أوبريت "ماتقولوش لحد" لـ دنيا سمير غانم من "عايشة الدور"
شاركت الفنانة دنيا سمير غانم أوبريت غنائي من الحلقة الأخيرة من مسلسلها الرمضاني "عايشة الدور"، عبر حسابها الرسمي على موقع "يوتيوب".
ظهرت دنيا وهي تغني مع الفنانة أمير أديب وعدد آخر ممن شاركها بطولة العمل، وجاءت أغنية "ماتقولوش لحد" من كلمات أيمن بهجت قمر، وألحان عمرو مصطفى، وجاءت الكلمات كالتالي:
مين فينا بيفضل شايل
جواه أسرار
ده في جوة الوحدة هوايل حكايات
وأنا عندي سر خطير
مخفي ماقلتوش لكتير
بيقولوا السر في بير
وأنا عادي بقوله لصحابي
إزاي بتقولي يا خرابي
قالوها زمان السر برة أي اتنين ميبقاش سر
مش قادرة أخبي عليكوا خلاص
وعمالة أور
لوك لوك لوك لوك ماتقولوش لحد
إلخ إلخ إلخ إلخ والكلام ده جد
معقولة بالمفتشر
سري كده ينتشر
ما قلنا وإنتي مسمعتيش
الناس بتحب تتحشر
سرك خلاص على كل لسان
ناقص في النشرة يتنشر
لاء وهثبتلكم
أيوه أيوه أيوه
عندنا في كلام ما قالوه
إنما عندكوا عشمانة السر هنا تخبوه
لوك لوك لوك لوك ماتقولوش لحد
إلخ إلخ إلخ إلخ والكلام ده جد
قالوها زمان السر برة أي 2 ميبقاش سر
مش قادرة أخبي عليكوا خلاص وعمالة أور
في ظل عصر الإنترنت من غير ما نعجن سوا ونلت
على المشاع السر اتذاع
شير ونزلني كومنتات
عقلي خلاص شد وفوت
كانوا الصحاب بينهم كتمان
وقت التلفون الإسود أبو قرص
ياريتنا نرجع زي زمان
أو حتى نرجع ناخد كورس
لو شيلت فيشة الراوتر إيه
هل يعني كده هبقى أنا كتمت
مقدرش ألومك قالوا زمان
السر برة 2 ميبقاش عمره سر
ومن فلان لفلان لفلان
وده تزود ودي تجود وده يقل
قالوا على الكلام ما قل ودل
كتم على السر وده الحل
كتر الكلام يا حبيبي مضر
في سياق متصل بدأ عرض مسلسل "عايشة الدور" في النصف الثاني من شهر رمضان وهو من بطولة دنيا سمير غانم، محمد ثروت، وسماء إبراهيم، وتأليف كريم يوسف وأحمد الجندي، وإخراج أحمد الجندي.
يدور العمل في إطار كوميدي، وهو التعاون السابع بين دنيا سمير غانم والمخرج أحمد الجندي. وتدور أحداث مسلسل عايشة الدور، حول شخصية دنيا سمير غانم التي تلعب دور سيدة مطلقة، وتواجه العديد من المفارقات الكوميدية مع تطور الأحداث، والعمل من تأليف أحمد الجندي وكريم يوسف، ومن إخراج أحمد الجندي، وإنتاج أحمد السبكي، العمل يتكون من 15 حلقة.