فيدرا لقاتلي الحيوانات: سيبوهم يعيشوا يمكن يبقوا باب بركة
وجهت الفنانة فيدرا، رسالة للجمهور انتقدت من خلالها قتل الحيوانات أو التسبب في أذيتهم.
قالت "فيدرا" خلال مقطع فيديو نشرته عبر حسابها على موقع "إنستجرام": "لاقيت قطة أنا بأكلها وهي والدة بقالها شهر بتشيل في واحدة من عيالها والقطة الصغيرة بتحاول تمشي ناحية بركة ميه فطلعت جري ولاقيت القطة الصغيرة عينيها ملتهبة فأخدتها وحطيت لها أنتيبيوتك ورجعتها لأمها".
تابعت: "بس خوف أمها عليها زي أي أم في الدنيا.. الحيوانات دي زينا بيخافوا على عيالهم وبيعيوا وعايزين يعيشوا".
أضافت: "الحياة حق ربنا اداه لكل كائن في الدنيا سيبوهم يعيشوا يمكن يبقوا باب بركة من ربنا ليكوا".
