تعليق فاتن سعيد على تشبيهها بـ فاتن حمامة
علقت الفنانة فاتن سعيد على تشبيهها بالفنانة فاتن حمامة، موضحة موقفها من إمكانية تجسيد سيرتها الذاتية.
قالت "سعيد" في لقاء مع موقع بصراحة اللبناني، عن إمكانية تجسيد السيرة الذاتية للفنانة الراحلة: "حاسة إنها مسؤولية كبيرة وحاجة تخوف أي ممثل لأن ممكن بعدها يتعرض مثلا لنقد أنه معملوش بشكل أحسن حاجة بس طبعا فاتن حمامة ملهمة بالنسبة لي، أنا أصلا اتسميت على اسمها لأن جدي كان بيحبها أوي ومهووس بيها وأبويا كمان، فجت من هنا التسمية".
تابعت: "أنا مش شايفة إن أنا شبهها، يا ريت أبقى شبهها، هي ست جميلة جدا، يعني دي حاجة تسعدني إن الناس تبقى شايفاني في الحتة دي، فاتن حمامة دي سيدة الشاشة العربية، مفيش زيها، أيقونة".