علي البيلي: رفضت دوري في "لام شمسية"
كشف الطفل علي البيلي، الذي شارك في مسلسل "لام شمسية" الذي عرض في رمضان الماضي، عن رفضه المشاركة في العمل في البداية.
قال "البيلي" في برنامج "كلمة أخيرة" المذاع على شاشة ON وتقدمه الإعلامية لميس الحديدي: "لما عرفت المسلسل بيتكلم عن إيه، قلت لمامي أنا مش عايز الدور ده، علشان اتخضيت وحسيت إني خايف اخد الدور وخايف من ردود أفعال الناس إيه اللي هيحصل لو أنا عملته".
تابع: "الحمد لله المسلسل نجح وكل اللي بيتكلم عنه كانت حاجات إيجابية بس أنا ماتخيلتش كده خالص وقلت لمامي مش عايز وقالت لي خلاص براحتك، بعدين كلموا مامي قالولها أستاذ كريم الشناوي عايز يشوفني".
اختتم: "أول ما اتكلمت مع أستاذ كريم الشناوي وقالي إن أنا هبقى صوت من ليس له صوت وشرحلي قد إيه المسلسل هيساعد الناس وإن ده بيحصل كتير، أنا مكنتش عارف إن ده بيحصل كتير، أنا مكنتش فاهم، ولما اتكلم معايا وأقنعني وقال لي كلام كده دخل في قلبي".
مسلسل "لام شمسية" بطولة الفنانة أمينة خليل والفنان محمد شاهين ويسرا اللوزي وياسمينا العبد والطفل علي البيلي وصفاء الطوخي، من تأليف مريم نعوم، وإخراج كريم الشناوي.