مراد مكرم: الانتماء للجمهور واللاعبين بيحسبهوها مصالح

علق الفنان مراد مكرم، على انتقال بعض اللاعبين من الأندية إلى أندية منافسة، وذلك بمقابل مادي كبير، مشيرا إلى أن كل شخص له الحق في السعي وراء مصلحته.

وكتب "مكرم" عبر حسابه على "فيس بوك": "نتكلم كلام عقلاني بقى بعيدا عن المكايدة وقلة الأدب.. الانتماء للجمهور فقط.. أما اللاعبين فكله بيحسبها مصالح، وده حقهم للعلم، ولسبب بسيط جدا ومنطقي جدا، اللاعب ربنا مديله موهبة مش عند عامة الناس".

أشار: "ولكن الكل عارف أن الموهبة دي قصيرة المدة جدا، يعني بالكتير عند 40 سنة هو بلا عمل، والله أعلم هيتوفق في شغلانة تانية من تدريب أو تحليل ماتشات او إذاعة و لا لأ، ده غير أنه في لحظة ممكن يتصاب ويبطل كورة في لمح البصر ونفس الحاجة بالنسبه للممثل والمغني بس بدرجه أقل جدا من لاعب الكورة بالتالي، منطقي أن كل لاعب يدور على مصلحته علي المدى القصير والبعيد حسب عقليته وتفكيره".

تابع: "يبقى مانحاسبش لاعبين.. نحاسب مجالس إدارة الأندية، مين وفق في تكوين والحفاظ على سكواد قوي ومين فشل، وكلمة النادي اللي عمل له اسم، ما اللاعب كمان ساعد النادي في كسب ماتشات وبطولات يبقى خالصين في النقطة دي، تاني الانتماء للجمهور فقط".