"القصة مستمرة".. ليفربول يعلن تجديد عقد محمد صلاح لمدة موسمين
أعلن نادي ليفربول الإنجليزي تجديد عقد النجم المصري محمد صلاح ليستمر داخل صفوف الفريق لمدة موسمين إضافيين، وذلك بعنوان "القصة مستمرة".
عبّر محمد صلاح عن سعادته الكبيرة بتجديد عقده، وظهر في فيديو نشرته الحسابات الرسمية للنادي، قال فيه: "مسيرتي، وحياتي هنا. مستمتع بكل لحظة وبالكورة اللي بلعبها، وعيلتي كمان مرتاحة وحاسة إنها في بيتها. إحنا مبسوطين بكل يوم في المدينة وبكل دقيقة في النادي".
أضاف: "اللعب في أنفيلد له طعم تاني، مفيش مكان زيه. الإحساس اللي بتحسه وانت نازل، الأغنية قبل الماتش، كل التفاصيل بتخلي اللحظة مميزة. كل مرة أجيب جول والجمهور يغني الأغنية بتاعتي، بحس إنها لحظة مش عادية... ولسه الحكاية مكملة".
وفي تصريحات للموقع الرسمي للنادي، قال صلاح: "أنا متحمس جدًا، الفريق دلوقتي قوي، وكنا دايمًا فريق قوي، لكني جدّدت لأن عندي إيمان إننا نقدر نكسب بطولات تانية ونستمتع بكورة حلوة".
تابع: "قضيت أفضل سنين عمري هنا. لعبت 8 سنين، ونفسي أكمل لـ10. مستمتع بحياتي وبالكورة، واللي عيشته هنا من أحلى فترات مسيرتي.".
ووجّه رسالة للجماهير قال فيها: "أنا سعيد جدًا بوجودي معاكم. جيت هنا من الأول علشان مؤمن إننا نقدر نكسب بطولات كبيرة سوا. استمروا في دعمكم، وإحنا هنفضل نحارب علشان نفرّحكم، وإن شاء الله نحقق بطولات أكتر في اللي جاي".