حسام حبيب: بحب شيرين وهي على راسي
إسراء إبراهيم
أكد الفنان حسام حبيب أن علاقته بالفنانة شيرين عبد الوهاب لا تزال تحمل كل التقدير والاحترام، مشددًا على أنه لا توجد أي خلافات بينهما، وأن حديثه مؤخرا عن خلافاتهما كان نابعا من مشاعر عتاب تجاه شخص يكن له المحبة.
قال "حبيب" في بث مباشر عبر موقع الفيديوهات "تيك توك": "شيرين عزيزة جدا على قلبي، ومفيش أي مشكلة بينا، واوعوا تفتكروا إني لما بتكلم ببقى بتكلم عشان عايز أرد، مقدرش أعمل كده، بالعكس أنا بحبها، كان قصدي إني زعلان منها، زي اللي واخد على خاطره".
أضاف: "كل ما أنا شايفها سعيدة وكل ما أنا شايفها مبسوطة أنا مبسوط، وإن شاء الله شيرين تفضل طول عمرها شيرين، واتمنالها كل الخير من قلبي وعايزها أحسن حاجة في الدنيا، وأشوفها سعيدة وتضحك وفرحانة، وأشوفها بصحة وبخير وكل حاجة حلوة".
تابع: "بتمنالها كل حاجة حلوة من كل قلبي، ما عنديش أي مشكلة معاها، عشان بس الناس متفتكرش أن في أي خصومة مع شيرين، بالعكس شيرين على راسي من فوق، وهتفضل على راسي من فوق".
كما أشار إلى أن حديثه في الفترة الأخيرة عن الخلافات بينهما لم يكن يقصده، لأنه يحب الخصوصية، لكنها ظروف فرضت نفسها، متمنيًا أن تكون المرحلة المقبلة بداية جديدة مليئة بالخير لكل منهما، سواء في النجاحات الفنية أو على المستوى الشخصي.