مكنش فيه جنيهات كفاية.. رد محمد رمضان على جدل إطلالته في "كوتشيلا"
رد الفنان محمد رمضان على الجدل المثار حول إطلالته في حفله الأول بمهرجان "كوتشيلا"، والانتقادات التي تعرض لها بسببها.
قال "رمضان" في مقطع فيديو عبر صفحته الرسمية على موقع التواصل الاجتماعي فيس بوك: "جمهوري اللي حافظني وكبرت قدام عينه عارف إن أكيد الملابس في الحفلة الأولى في كوتشيلا.. محمد رمضان مايقصدش إنه يطلع بالشكل اللي اترجم بيه على السوشيال ميديا.
كان الغرض إنها تبقى حاجة فرعوني، والمصممة فريدة تمراز يمكن مكنش معاها جنيهات كفاية فالبتاع طلع قصير شوية".
تابع: "جمهوري اللي حافظني وكبرت قدام عينه عارف إن محمد رمضان عمره ما لبس واحدة ست لا في فيلم ولا مسلسل، مع كامل احترامي للفنانين اللي عملوها.
وعارف إني لبست حلق في فيلم وكليب ولكن في الحقيقة عمري ما لبست ولا هلبس حلق".