قُدمت في حفل زفافه.. هشام جمال يروي كواليس أغنية "فستانك الأبيض"
روى الفنان هشام جمال كواليس أغنية "فستانك الأبيض" الذي قدمها كهدية خصيصًا لزوجته ليلى أحمد زاهر خلال حفل زفافهما، الذي أقيم مساء الأربعاء، بمنطقة هرم سقارة.
كتب "جمال" عبر صفحته الرسمية على موقع تبادل الصور والفيديوهات "إنستجرام": "أولا إحنا بجد مش لاقيين كلام يوصف إحساسنا بفرحتكم معانا وبأهلنا وأصحابنا اللي كانوا معانا في أحلى يوم في حياتنا.. وفي ناس كتير لازم نشكرهم بالاسم".
تابع: "أنا عايز أبدأ بأغنية (فستانك الأبيض) اللي بدأنا بيها الفرح.. الحقيقة إني كنت ملحن الأغنية دي مفاجأة لـ(ليلى)، وفعلا كان المفروض الأول إني أنا اللي هغنيها وأفاجئ ليلى بيها في الفرح، لكن أخويا الكبير وصديقي وقبلهم الفنان العظيم حسين الجسمي عملي أنا كمان مفاجأة".
استكمل: "كلم مادي صاحبي وأخويا وموزع الأغنية من ورايا وعملولي هما مفاجأة.. وفي يوم تسجيل الأغنية لقيت الأغنية متسجلة بصوت حسين الجسمي اللي مالوش زي.. واللى خلى الموضوع راح في حتة تانية عندي وعند عروستي ليلى اللي بتحبه جدا".
كما وجه الشكر لحسين الجسمي وهؤلاء قائلا: "شكرا ليك بجد على أحلى هدية لـ ليلى وليا.. شكرا للشاعر المحترف وأخويا الكبير أمير طعيمة والموزع العبقري مادي، وأخويا اللي تعبته معايا جدا مهندس الصوت الشاطر وحبيبي بيشوي مجدي.. وأخيرًا شكرا لحمايا اللذيذ والفاهم أحمد زاهر اللي اشترك معايا في الجريمة دي".
يذكر أن أغنية "فستانك الأبيض" من غناء حسين الجسمي ومن كلمات أمير طعيمة، وألحان هشام جمال، وتوزيع مادي، وميكساچ بيشوي مجدي.