أحمد زاهر عن رقصه مع ابنته ليلى: مر قدامي شريط ذكريات
كشف الفنان أحمد زاهر عن مشاعره أثناء رقصته مع ابنته ليلى في حفل زفافها على هشام جمال.
نشر "زاهر" عبر حسابه الشخصي على موقع تبادل الصور والفيديوهات إنستجرام، وكتب: "وأنا داخل ارقص معاكي شفت وشك اللي زي القمر أجمل عروسة في الدنيا كلها، بصيت في عينيكي وفجأة مر قدامي شريط ذكريات من أول لما جيتي الدنيا وأنا أول واحد شيلتك بين أيديا وشفت كل لحظة وأنتي بتكبري قدام عينيا".
نرشح لك: بعد انسحاب مروان سري من الاستثمار فيه.. داجنهام الإنجليزي يعتذر لـ سلمى مشهور
تابع: "لحد اللحظة اللي إحنا بنرقص فيها مع بعض وأنتي عروسة زي القمر وخلاص هتسيبيني وتمشي مع عريسك حسيت بمشاعر كتير متناقضة ومختلفة والدموع نزلت من عيني غصب عني وحسيت إني عاوز أقولك لا متمشيش وتسيبيني وارجع في كلامي بس في نفس الوقت أنا عارف إن دي أجمل لحظة في حياتك إنك اخترتي اللي بتحبيه وبيحبك وبصراحة اخترتي صح راجل ومحترم وبيحبك وبيقدرك وهيشيلك جوه عينيه زي ما وعدني، مبروك يا بنت عمري يا بنت قلبي بحبك يا أجمل بنوتة وأجمل عروسة في الدنيا كلها بحبك يا ليلى".