أحمد عبد الحميد يسرد معاناته مع مرض ابنته حديثة الولادة
عبر الفنان أحمد عبد الحميد عن حزنه الشديد بعد مرور شهرين على ولادة ابنته ليلى، بحالة مرضية حرجة، وطلبه الدعاء من الجمهور.
قال "عبد الحميد" عبر حسابه على موقع التواصل الاجتماعي "فيس بوك": "ليلى النهاردة تمت شهرين، شهرين من غير ما أحضنها حضن واحد، من غير ذكريات كتير كنت فاكر إني هبنيها معاها، مشفتش منها غير وجع قلب بس.. مبقتش برد على حد يقولي بنتك عاملة إيه من كتر الإحباط ومن كتر ما بقول أنها مش كويسة ومفيش جديد".
كما أشار إلى عدم تمكن الأطباء من تشخيص حالة ابنته منذ ولادتها: "شهرین وأهم دكاترة في مصر مش عارفين يشخصوا حالتها عالأقل، وده مش تقصير منهم لكن إرادة ربنا أن حالتها تكون جديدة ومحيرة كده، طرقت كل الأبواب مع ربنا والله وعلى قد ما أقدر مقصرتش وهفضل أسعى مع ربنا لعله يجبر بخاطري أنا وأمها".
نرشح لك: حبس عامل تعدى على زميلته بالضرب بإحدى المطاعم
تابع: "والنبى يا جماعة افضلوا ادعولها كل ما تقدروا وبطلوا تسألوني عليها، افضلوا ادعولها وهي أول ما هتكون كويسة أو في أمل أنها تبقى كويسة أنا مش هتردد ثانية إني أفرح بده وأقول للدنيا كلها أن بنتي خفت وجت في حضني وإن شاء الله ربنا يتقبل دعواتكم ودعواتنا".
