فتاة المول توضح حقيقة الصور المنشورة لها - E3lam.Com
عبرت سمية عبيد، المعروفة إعلامياً بـ”فتاة المول”، عن إستيائها الشديد، بعد نشر صور شخصية لها، مما وصفته بإنتهاك لحرمة الحياة الشخصية، مشيرة إلى أن جميع أفراد أسرتها قاطعوها بعد رؤيتهم للصور، وأتصل بها آخرون وطلبوا منها عدم الحديث معها مرة آخرى، وذلك خلال حلقة مساء الأربعاء، من برنامح “العاشرة مساءً”، والذي يعرض على قناة دريم.
حيث قالت عبيد : “أسرتي بتعاملني معاملة بشعة، محدش بيكلمني ولا بيأكل معايا على طرابيزة واحدة، أنا ماشية في الشارع باصة في الأرض عشان محدش يعرفني، أنا عملت إيه وقولت إيه عشان يحصل فيا كدة، أنا مش عارفة أنزل الجامعة ولا هروح، أنا لما روحت الجامعة كل البنات كانوا فخورين بيا، والناس إدتني ثقة كبيرة لما نزلت الجامعة، دلوقتي خايفة أنزل، لو رجع بيا الزمن كنت خدت القلم وطلعت عادي جداً”.
واستكملت عبيد : “نشر الصور دي لا يليق أخلاقياً أو دينياً ولا في عرف أو قانون أو سبب يقول أن الصور دي كان لازم تتنشر، صور منها كان في البيت وباين ورايا أوضتي ودولابي وسريري، والصور التانية وأنا واقف جمبي صديق قديم وجاري، طبيعي جداً كل البنات لها صحاب في الشغل والجامعة وجيران وبيتصوروا مع بعض، صور على البحر زي ما الناس بتقعد، أنا مش شايفة فيها حاجة، وكلها خصوصية، أنا لو مش بني أدمة كويسة، كنت سبتوا يعاكسني ويتحرش بيها، أو روحت معه لما قالي تعالي معايا، بس عشان أنا بني أدمة كويسة، مسكتش على حقي، ودورت وهفضل أدور على حقي.