عبد الحميد: هل العقلية المصرية مش عارفة تنتج علبة بلاستيك؟
على طريقة الإعلامي جابر القرموطي، بدأ الإعلامي عمرو عبد الحميد حلقة اليوم، الخميس من برنامج “البيت بيتك” على قناة TeN، جالباً معه بعض السلع التي وصفها بـ “السلع الاستفزازية” مثل “طعام القطط، ملمع أحذية، حلوى للأطفال، خلة أسنان”، مؤكداً أن الحكومة المصرية لا تدعم الإقتصاد المصري، لكنها تدعم إقتصاد بعض الدول الأخرى حتى التي نختلف معها سياسياً كتركيا، مُشيراً أن المشاكل الإقتصادية من أهم أسبابها هو أن الإستيراد أكثر من التصدير.
وأضاف “عبد الحميد”: “بندعم اقتصاد اليونان عشان نجيب سلاكة ودان، وخلة سنان بنجيبها من الصين، وكمان بنجيب شمع من الصين، وبندفع دولار عشان نجيب أكل قطط”، مُضيفاً: “إيه الفكرة اننا ندفع دولارات عشان نستورد علبة بلاستيك من الصين نحط فيها الأكل، هل العقلية المصرية مش عارفة تنتج علبة بلاستيك!!، بندعم الاقتصاد التركي والدولارات بتاعتنا بتروح للسيد أردوغان ونستورد ورنيش عشان نلمع بيه الأحذية”.
وتابع: “ده بيمثل ضغط على الحكومة اللي هى مضغوطة أصلاً، وضغط على المواطن البسيط اللي بيدفع الضرايب، واحنا كدة مش بندعم اقتصاد بلدنا، انما بندعم اقتصاد بلدان أخرى حتى لو مختلفين معها زي تركيا….. إحنا كده بناكل من ثروات الأجيال اللي جاية”.