سيد علي عن إسراء الطويل: أهلها ماعرفوش يربوها!! - E3lam.Com
شن سيد علي مقدم برنامج “حضرة المواطن” على قناة العاصمة هجوماً حاداً على المصورة الصحفية إسراء الطويل والمتعاطفين معها، بعد الصور التي انتشرت لها وهي تبكي بعد تجديد حبسها 45 يوماً.
وتابع “علي”: “في شحتفة على مواقع التواصل بسبب إسراء الطويل، وأنا أتمنى ان كل الشباب اللي أخطئوا في السجن يخرجوا، ويبدأوا عقد اجتماعي جديد ويعتذروا ويتوبوا، إنما لو كنتوا نسيتوا اللي جرى نرجع للتويتات والصفحات اللي كانت بتتعمل وبيحرضوا فيها على الضباط عشان يقتلوهم”.
وأضاف: “ماصعبش عليكوا الجثث اللي ماتت بسببهم، ولا انتوا مش صعبان عليكوا كل اللي حاصل في مصر ده وصعبان عليكوا إسراء الطويل!!”
واستطرد سيد علي قائلاً: “هي صعبانة عليا أنا كمان، بس كان لازم حد يقرص ودانها، البيت ما عرفش يربيها والدولة بتقوم بالمهمة دي.. إحنا نتعاطف معاها جداً بس أهلها ماعرفوش يربوها، وبعدين انتوا نسيتوا وهى في رابعة كانت بتعمل إيه؟!… إنما اللي يطلع متشحتف وعمال يقول إسراء ومش عارف إيه، ماتشحتفتش على أبناء الضباط اللي بيموتوا ليه ياخويا!!”.