"خناقة" غير مسبوقة بين خالد صلاح وعمرو أديب
نشبت مشادة كلامية بين الإعلامي عمرو أديب ، والكاتب الصحفي خالد صلاح ، رئيس تحرير “اليوم السابع” على الهواء، بعد كتابة الأخير مقالاً ينتقد التقصير الأمني في حادث تفجير فندق العريش، ووضع موقعه الإخباري صورة له على مقاله وهو يضحك.
وانفعل أديب خلال برنامجه “القاهرة اليوم”، المذاع على فضائية “اليوم”، قائلًا: “اللي ميشوفش يبقى أعمى القلب مش العنين، إنت مبتشوفش يا خالد؟ حرام عليك يا راجل، يا أخي نخلي عندنا دم، البلد مش مستحملة خالص، ماتكبروا بقى يا جماعة، البلد مش مستحملة، هو في أكتر من كده، نعمل إيه يا أخي، حتى الموقع بتاعك معندهمش مسئوولية وحطين لك صورة وإنت بتضحك، فين المهنية، بلاش حتى يا أخي في يومها تهاجم”.
فرد صلاح عليه قائلا: “إنت مش واخد البرنامج لحسابك وأنا من حقي أرد ومتزايدش عليا في الوطنية وإحنا لازم نواجه أخطاءنا، ولو كل واحد فينا مسك للتاني مش هنخلص، وفرنسا تم انتقاد الأمن فيها بعد واقعة هجمات باريس”.
وأضاف “صلاح”: “أنا من حقي أرد قانونيًا ومهنينًا، وأنت واخد الهواء بمزاجك، والمفروض الاحتياطات الأمنية تكون أقوى من كده والطرح كده ميضيقش أي واحد وطني، ولو مش عاجبك طرحي براحتك وده مش ضد الأمن”.
فهاجمه “أديب” قائلًا: “أنت بتفهم حاجة في المهنية يا أخي”، ليرد عليه “صلاح”: “لا كده مش هقبل كلامك وهفهمك غلط، ومفروض التدابير الامنية كانت تبقى أكتر من كده على الفندق اللي حدث فيه التفجير”.
واستمر “أديب” منفعلاً قائلاً: “إنت حاطط صورة ليك وأنت بالضب تضحك يبقى اتكلم عن المهنية، مش عارف أنت أزاي رئيس تحرير ، ياعم روح شوف موقعك بقى عامل إزاي”.
ورد خالد صلاح: “ده تجاوز وخروج على الأدب وقلة أدب وغير مقبول”، ليعقب عليه أديب: “قلة أدب تقبلها ولا متقبلهاش بلا قرف بقا تعبنا منكم البلد مش ناقصة ومتخلناش نتكلم عن علاقتك بخيرت الشاطر بقا”.
https://www.youtube.com/watch?v=Go1XUsZJ8bY
اقـرأ أيـضـًا:
صورة أحمد موسى المثيرة للجدل “مش فوتوشوب”
المراسلة التي غنى لها عدوية : التعليقات سخيفة !
فاروق الفيشاوي: الحشيش منفعة اقتصادية
“أستاذ” محمد صبحي.. مايصحش كده!!
“ستار أكاديمي” في نسخته “المتدينة”.. لن يصنع الفارق
مواقف و طرائف حفل ختام مهرجان القاهرة السينمائي الدولى
عادل إمام يحرج مراسل قناة المحور على الهواء
.
تابعونا علي تويتر من هنا
تابعونا علي الفيس بوك من هنا