أديب يسخر من "غرق قطر": نبعتلكم حد يسلك؟ - E3lam.Com
سخر الإعلامى عمرو أديب ، من مشهد الأمطار الغزيرة، التي أغرقت شوارع قطر في وقت قليل، حيث قال: “شوفتوا الأمطار في قطر عاملة ازاى، قطر اللى هي أكبر صندوق سيادى محلق بأجنحته في العالم، نزلت شوية مطر في قطر، غرقت في شبر مياه؟”.
وأضاف أديب، خلال برنامج “القاهرة اليوم”، على قناة “اليوم”: “طبعاً الجزيرة ماجابتش سيرة أي حاجة من دى خالص، الجزيرة دلوقتى مش موجودة في قطر”.
وتابع أديب: “طلع إن نفس المقاول اللى عمل بلاعات إسكندرية هو اللى عملها في قطر، طبعاً احنا بنتضامن مع الشعب القطرى، ولو حابين حد يسلك أو حد يشفط احنا أحسن ناس، ومستعدين نعمل زى ماعملنا في قرية عفونة، نبعتلكم أكل وشرب وكل حاجة، بس لا تعايرنى ولا أعايرك، البلاليع طايلانى وطايلك”.
وأشار أديب إلى أن الوضع في شوارع قطر تشابه مع غرق الإسكندرية، قائلًا: “محدش يتريق على بلاعات إسكندرية تانى.. لما يسلك بلاعته الأول يبقى يتكلم عن بلاعتنا.. الناس دى عندها فلوس بتقول أوديها فين.. إنما مصر بتقول أجيب الفلوس منين”.