"أيوب" عن تعامل الإعلام مع الأزمات الدولية: جليطة!
استنكر الكاتب الصحفي، د.ياسر أيوب تعامل الإعلام المصري مع القرار الذي اتخذته كل من “إنجلترا والولايات المتحدة وفرنسا وألمانيا وكندا وفنلندا”؛ بعدم المشاركة في بطولة العالم للإسكواش التي تستضيفها مصر، بسبب إنهم يخشون إرسال منتخباتهم إلى مصر خوفاً على حياة وسلامة لاعبيهم ونجومهم.
وقال “أيوب” في مداخلة هاتفية لبرنامج “البيت بيتك” على قناة TeN، مع الإعلامية إنجي أنور، الجمعة، قائلاً: “الحل اننا نشتم العالم ونقول أنهم بيتآمرو علينا واحنا قاعدين مش بنعمل أي حاجة؟!”، مُضيفاً: “ماحدش بيتآمر علينا، احنا اللي بنتأمر على أنفسنا، ولازم نفكر إزاي نكلم العالم لما ينتقدنا، احنا لما حد بينتقد مصر بنرد عليه جوة مدينة الإنتاج الإعلامي، لكن لازم يكون في طريقة اننا نرد عليه هناك”.
واستطرد: “ده دور دولة المفروض يبقى عندها منهج إعلامي، إزاي تقدر تتعامل مع العالم، فهل من المقبول أن يبقى عندي 280 روسي ماتوا في سيناء وأنا مصمم أداوي هذا الأمر بحفلات وغناء في شرم الشيخ؟!”
وأكد أيوب أن الإعلام والدولة وصلوا لمرحلة من “الجليطة” في التحاور مع العالم، مُضيفاً: “ونرجع نغضب لما العالم يزعل مننا ونقول دول بيتآمروا علينا”.