أمين عن ضحايا "ملهى العجوزة": زعلان على سوء الخاتمة
استنكر الإعلامي تامر أمين، بعض التعليقات التي وصفها بـ”منتهى السخف”، على حادث احتراق “ملهى العجوزة”، الذي راح ضحيته 16 من العاملين فيه.
وأضاف أمين خلال برنامج “الحياة اليوم”، على قناة “الحياة”، : “تعليقات في منتهى السخف على مواقع التواصل الاجتماعي.. وحتى بعض المواقع الإخبارية اللي يجب أن تراعي ربنا.. واللي بيقولوا يستاهلوا ما لازم نهايتهم تبقى كدة”.
وتابع أمين: “الناس ماتت يا سادة وموتة صعبة وأسرهم في مندبة.. مش إحنا اللي بنحاسب ونقيم.. أه نزعل أنهم ماتوا هذه الميتة السيئة .. ده طبعا طبعا سوء خاتمة”.
واشار أمين إلى أن “في ناس بتموت وهي على سجادة الصلاة او وهي بتدافع عن الوطن.. ده حسن خاتمة لكن الناس اللي تموت في مكان الشياطين بتحفه ده سوء خاتمة.. لكن مينفعش نشمت فيهم ده شعور حيواني وليس إنساني ولا يجب أن يلتصق بأي دين وممكن يكون ناس من اللي ماتوا أحسن مني ومنك وربنا يغفر له”.