هالة فاخر: احنا بنحارب الناجح لحد ما يطفش
أبدت الفنانة هالة فاخر اندهاشها من خبر تبرع مارك زوكربيرج، مؤسس “فيس بوك” بـ 99 % من ثروته للأعمال الخيرية بعد قدوم مولودته الجديدة، قائلة: “دي حاجة ما بتحصلش اصلاً اليومين دول، وربنا يكتر من أمثالك”.
وتابعت “فاخر” خلال تقديمها حلقة اليوم، الأحد من برنامج “انتبهوا أيها السادة” على قناة الحياة: “ممكن واحد سماوي يقولك ده على باب القبر وبيشتري أخرته، لكن هرد عليه واقوله انه لسه في عز شبابه، وللأسف ده الكلام اللي بنسمعه، لأن بقى عندنا توجس من أي واحد بيعمل حاجة كويسة من غير غرض، ومابقاش عندنا ثقة بأن في ناس بتساعد الغلابة، وهو ده الفرق بيننا وبين اللي بنقول عليهم خواجات وكفار وماعندهمش أخلاق”.
وأضافت: “هما بيساندوا الفاشل لحد ماينجح، واحنا بنحارب الناجح لحد ما يفشل أو يطفش… نفسي يكون عندنا مليون واحد زي مارك، وساعتها مش هيبقى عندنا فقير ولا محتاج”، واختتمت: “يارب يباركلك في بنتك يا خواجة مارك ويسعدك زي ما هتسعد ملايين”.