بعد ربع قرن.. 9 معلومات جديدة عن فيلم "العفاريت" - E3lam.Com
بعد أكثر من 25 عاماً من عرضه، كشفت هديل خيرالله، إحدى بطلات فيلم “العفاريت” والشهيرة بالطفلة “بلية”، عن 9 معلومات جديدة من كواليس تصوير الفيلم، الذي لعب بطولته كل من الفنانة الراحلة مديحة كامل والفنان عمرو دياب وحمدي الوزير ونعيمة الصغير، ومن إخراج حسام الدين مصطفى وتأليف ماجدة خير الله.
وقالت هديل عبر حسابها الشخصي على موقع التواصل الاجتماعي “فيس بوك”: “للناس الي لسة مهتمة وبتسألني دايماً، دول 9 معلومات عن فيلم العفاريت مش هاتعرفهم غير من بلية”
وروت “بلية” كواليس تصوير الفيلم لمتابعيها فقالت:
1- بيت عمرو دياب اللي في الفيلم ده مش بيته ولا حاجة ده سويت في شيراتون الجزيرة
2- الفيلم اتصور في حوالي 6 شهور ما عدا مشهد واحد وتوقف التصوير تماماً لمدة 7 شهور وبعدين اتصور المشهد، وده كان مشهد ميال ميال في الاستاد
3- أول مشهد اتصور في الفيلم لبلية كان أول مشهد لبلية مع الكتعة اللي كان أوله قلم على وشي
4- حفلة عمرو دياب في الفيلم كانت حفلة ليه بجد
5- مشهد الشحاتة (اللي بدون حوار) كانت الكاميرا مستخبية في عمارة و كنت بشحت بجد و لميت فلوس!!
6- المشهد بتاع “سرقت الخواجة كنتاكي” اتصور الساعة 3 صباحاً و لوزة نامت في التصوير واضطريت احفظ كلامها في ساعتها والحوار تم كله بيني وبين سقراط (لاحظ نومها في المشهد)
7- أنا ما كنتش في الشوال لما سقراط شاله
8- دور بلية كان لبنت عمرها 8 سنوات وكان على وشك اختيارها بالفعل والمخرج حسام الدين مصطفى لما شافني كنت أقل من 6 سنوات واخترني
9- بمناسبة اني كنت 6 سنوات كنا بناكل في الاستراحة بين المشاهد وعمرو دياب قعد في الكرسي اللي جنبي فا قلت له “ماما لازم تقعد جنبي علشان تأكلني”
