تصريحات عنيفة ضد السيسي من رئيس نادي الزمالك
شن مرتضى منصور رئيس نادي الزمالك هجوماً حاداً على اللواء سامح سيف اليزل عضو مجلس النواب، بسبب تشكيل ائتلاف “دعم الدولة المصرية”، قائلاً: “إيه القرف ده، انت عايزنا نقلب على السيسي ولا إيه، أنا لو قلبت أنا ما بخافش من حد وماحدش مجاملني في حاجة ولما رحت وانتخبت السيسي ماكنش خدت منه حاجة ولا كنت عايز ابقى محافظ ولا وزير ولا أي حاجة”.
وأضاف خلال مداخلة هاتفية لبرنامج “ستاد معروف” على قناة العاصمة، قائلاً: “أنا تعرضت لحملة تشويه أنا وابني وكانوا زعلانين إن أحمد كسب الشوبكي في الانتخابات، وكانوا بيقولوا أصل الشوبكي صاحب السيسي والسيسي زعلان عشان الشوبكي سقط، طب ما تزعل، هو ده الشباب يا سيسي اللي انت عايزه؟ طب ما أحمد شاب عنده 30 سنة، انما انت زعلان عشان الشوبكي اللي سافر أمريكا وبيقول ان انت عملت انقلاب ضد مرسي؟”، مُتابعاً: “أنا فاكر ان السيسي هيبقى فرحان أوي ان أحمد كسب واحد سافر أمريكا وبيشتم مصر … هو ده صاحبك يا سيسي، إذا كان ده صاحبك يبقى الحساب قادم … أنا مش هسكت”.
واستطرد رئيس نادي الزمالك: “أنا مش بدعم السيسي عشان بخاف منه، أنا بدعمه لأننا في عنق زجاجة، مصر داخلة على حصار اقتصادي والدول بتتآمر علينا، واحنا مش لاقيين ناكل، والدنيا كدة كدة مقلوبة فاماتخليش اللي جوة يقلبوا عليك هما كمان”.
كما وجه رسالة لسيف اليزل قائلاً: “هتدخل البرلمان يبقى تحترم نفسك ده تحذير أخير لأني لو اتكلمت هقلب الدنيا”.
اقـرأ أيـضـًا:
كيف ظهر “حساسين” على BBC؟
17 تصريحاً من حفل توقيع “إذاعة الأغاني” لعمر طاهر
قُبلة تُحرج شيماء صابر على الهواء
فضل شاكر يتكلم من مخبأه في لبنان
لماذا “ليالي الحلمية” و ليس “ليالي المطرية” ؟
5 أغاني لـ”أبو حفيظة” تخطت نجاح “أسعد الله مسائكم”
ممثل شاب يروي تفاصيل جديدة عن حادث فندق العريش
.
تابعونا علي تويتر من هنا
تابعونا علي الفيس بوك من هنا