دعاء صلاح تكشف حقيقة تعرضها لـ"الضرب"
ظهرت المذيعة دعاء صلاح مقدمة برنامج “دودي شو” على شاشة النهار خلال حلقة اليوم، الجمعة، ويظهر على وجهها معالم “الضرب” والاعتداء البدني.
وأوضحت “صلاح” أنها تناقش خلال الحلقة مشكلة العنف ضد المرأة، وأنها اختارت أن تظهر بهذا الشكل لتجسد معاناة المرأة نفسياً عندما تتعرض للعنف، مُضيفة: “كم واحدة فينا قعدت في بيتها علشان محدش يشوفها بالمنظر ده، ولا راحت الجامعة أو المدرسة أو الشغل، كم واحدة اتربت على العنف الأسري والضرب من الأب والأخ، وساعات للأسف من الوالدة، وكام واحدة بعد الزواج وبعد حلم بيت المستقبل لقت نوع من العنف، وهو العنف الجسدي اللي الراجل بيمارسه على زوجته”
وتابعت: “واحدة من كل 7 نساء بيتم الاعتداء عليها جسدياً، وبقول ضرب علشان الكلمة صعبة ومحزنة، والراجل اللي يضرب ست أكيد عنده نقص، والنوع ده كتير في مجتمعاتنا العربية، وفي بلادنا ماعندناش قانون قوي يمنع العنف الأسري، و37% من سيدات العالم بيتم الاعتداء عليهم جنسياً، و700 مليون طفلة اتجوزوا تحت سن الـ15 سنة.. مأساة”.
دعاء صلاح تكشف سر التعدي عليها #دودي_شوAl Nahar – دعاء صلاح تكشف سر التعدي عليها #دودي_شو
Posted by Al Nahar on 11 ديسمبر، 2015