ريما الرحبانى تنشر ردًا على منتقد فيروز - E3lam.Com
لانا أحمد
نشرت ريما عاصى الرحبانى أبنة الفنانة اللبنانية فيروز ردا على صفحتها على موقع التواصل الأجتماعى “فيسبوك”، بعد نشر الصحفى اللبنانى حسن صبرا رئيس تحرير مجلة “الشراع”، مقالا بعنوان “ما لا تعرفونه عن سفيرة لبنان إلى النجوم: فيروز عدوة الناس، وعاشقة المال والويسكي، ومتآمرة مع الأسد، والذى أثار غضب محبى فيروز، واستنكار نجوم الفن والإعلام.”
كتبت ريما على صفحتها ” كل إنسان كبير أوعظيم بأخلاقو وشخصيّتو ومواهبو ووطنيتو وعطاءاتو وإنجازاتو وتضحياتو، بيخِلق من حولو كميّة حسّاد بِ عقَد نقص ما بيعرفوا كيف يداووها إلا بمُخيّلة بتضاهي ببشاعتا ضعفُن وفشلُن، فَ بِيلفّقو أكاذيب وإفتراءات، ظنًّا منهن إنّو بهالطريقة بيحجّمو عظمتو وبيخفّفوا من حب الناس إلو. هاي وجه من طبيعة الإنسان العاطلة والحسودة والحقودة، اللي بتِعلق بدوّامة الفشل والحسد والخُبث، هلقد بيكون فاشل صاحبها إنّو ما بيعرف يعمل شي إلا تركيب وتلفيق الأخبار ع كل إنسان ناجح وكبير، تيحاول يخفّف من وطأة وهجو أو تيتعربش ع إسمو وينشهر، كونو نكِرة، فيظن إنّو مُجرّد ما يتطاول على هالإسم الكبير، بيتحوّل من نكِرة لَ بطل”..
وأضافت “فيروز عندا ماضي حافل بتركيبات أهل البيت والأقارب والعقارب وغيرو، اللي كانت تِنحاك ضدها مع حبيب مجاعص وغيرو، وتِتْعمّم بكواليس الإعلام وغيرو، وعلى موائد الأكل، لتُنشر وتَنتَشِر، وتِرجَع تِظهر من حين لآخر، بأشكال وتحت أسماء مختلفة، الهدف منها واحد: محاربة فيروز وكسرها وبفرد حجر النَيْل من عاصي. إيه وقتا يا إخوان ما نفعت، هلّق بدّا تنفع؟”
كما أشارت إلى أن محاولات تسييس فيروز فاشلة، فقالت “لأن إذا في نُبل وحَق وكَرَم و كرامة بهالدني، عنوانُن فيروز وعاصي، بالحياة وبالفن، هنّي البيت وهنّي الوطن الوحيد الحقيقي والراقي ما بتقربلو السياسة ولا بيعرفا. العظماء بالتاريخ يا إخوان ما بيِتبَعوا إنّما يُتبَعوا. وهنّي اللي بيسطروا التاريخ وبيِصنَعوا قوالب ومقاييس القِيَم والمواقف، وبعاد كل البعد عن حروب الزغار”.
وتأسفت ريما على مؤسسات الدولة ووزرائها، “اذا فكركن أدوات وإرهاب داعش بس بالبواريد والمتفجرّات غلطانين كتير، داعش كمان بيلبسوا بدلات وعندن مراكز ومكاتب ومنابر وظيفتها تحطيم وتهشيم الحضارات وكل وج مشرق، وأسفة على دولة مؤسسّاتا غرقانة بالزبالة والفساد ورجالها ضالين.. هاي إذا بعد فيها رجال، ويا وزير الثقافة ووزير الإعلام ونقيب الصحافة هيدا اللي عم بيصير بأيّامكن على مرآكم ومسمعكم .
كما وجهت ريما رسالة إلى محبى فيروز “كلمة إخيرة لإصدقائي الفيروزيين ولإخوتي الحقيقيين، ما تزعلوا، الكلاب بتخلّف جراوي كتير، ورح يضل في نباح كتير، بس محبّتكن وإيمانكن بالوطن الفيروزي أقوى من كل شي. تضلوا بخير”.
اقـرأ أيـضـًا:
صافي ناز كاظم : هذا الأديب حرض على إعتقالي (1-2)
17 تصريحاً لمحمد هاني عن cbc في 2016
موسى والحسيني.. “ناقر ونقير” الإعلام المصري
أبرز صور حفل افتتاح مهرجان دبي
ontv تخسر يوسف الحسيني
طوني خليفة ينضم لـ cbc
تصريحات عنيفة ضد السيسي من رئيس نادي الزمالك
كيف ظهر “حساسين” على BBC؟
17 تصريحاً من حفل توقيع “إذاعة الأغاني” لعمر طاهر
.