أديب عن الإهتمام بالبقرة المبروكة: لو عيان مش هيعبروا أهله
سخر الإعلامي عمرو أديب ، من تصريح وكيل وزارة الصحة بالبحيرة، الدكتور علاء عثمان، عن عدم صلاحية لبن البقرة التي أثارت جدلا بمركز الرحمانية بمحافظة البحيرة للاستخدام الآدمي، قائلًا:”من أكتر من أسبوعين مصر مش وراها غير البقرة المبروكة ، والراجل وكيل وزارة الصحة ساب البلد كلها ومسك في لبن البقة المبروكة، شايفين الدولة بتتحرك إزاي في القرن الـ 21؟، يعني لو قولتلهم في واحد عيان ولا هيعبروا أهله، إنما البقرة المبروكة يتعملها تحليل وبعثة عشان يكشفوا عليها.”
وأضاف “أديب”، خلال برنامجه “القاهرة اليوم”، المذاع على فضائية “اليوم”،: “وزارة الصحة عاملة فريق عمل مخصوص للبقرة المبروكة، عارفين في طوابير قدام المستشفيات لمرضى فيروس سي بس كام واحد؟، ياجماعة جايز البقرة دي تكون هتحل مشاكل مصر، وجايز لما تمسك الحتة اللي في البقرة اللي بتنزل لبن ربنا يكرمك.”
وتابع : ” أنا سعيد جدًا باهتمام الدولة بموضوع البقرة، وياريت بقى كمان الدولة تستوردلنا بقر تاني، عشان نحسن السلالة ويبقى عندنا عجول صغيرة تبقى برضوا مبروكة، ونعالج بيها فيروس سي، طيب عندكم بقرة تعالج الصرع أو القدرة الجنسية ولا الغباء أو الجهل”.
https://www.youtube.com/watch?v=uzx7KNe1nTc