عمرو أديب مهاجمًا عكاشة: كفاية هبل وعته - E3lam.Com
هاجم الإعلامي عمرو أديب ، الإعلامي والنائب البرلماني توفيق عكاشة، بسبب تصريحاته الأخيرة حول محاربة أجهزة الدولة له، قائلًا: “أي عيل في 6 أبريل برقبته، وإحنا ساكتين وواكلين زفت، زهقنا، والدولة بتقوله كخ يا شاطر مينفعش تهزر معايا”.
وأضاف “أديب”، في برنامج “القاهرة اليوم”، المذاع على فضائية “اليوم”، مساء الإثنين: “هو ولا دكتور ولا حاجة وما يعرفش كلمتين إنجليزي، ويوم لما جت العيال بتوع خيرت الشاطر ياخدوه من مدينة الإنتاج، راح جهاز سيادي شفطه هو وحياة الدرديري واتحطوا في مكان آمن لمدة أسبوعين”.
وتابع: “كفاية هبل وعته، عايز يأخد حلاويات الجهات السيادية، هو ابن الأجهزة المدلل، لما الأجهزة تبقى حلو معاه يبقى حلو معاهم، ولما مينفذوش طلباته تبقى منيلة ، وبصراحة دلعوه جدًا، وأنا عمرو أديب مقدرش أعمل ولا أقول ربع اللي عمله”.