اتهامات لقناة "الحياة" بالنصب على الفائزين في برنامج مسابقات - E3lam.Com
اتهم بعض الشباب الذي شارك في برنامج المسابقات “الهروب”، قناة “الحياة” بالنصب عليهم، بعدما تحايلت القناة عن دفع الجائزة المالية المعلنة للفائزين وقدرها 50 ألف جنيه للفائزين، على الرغم من بدء إذاعة القناة للبرنامج في فبراير الماضي، مستكملة إذاعة باقي الحلقات بعد شهر رمضان الماضي.
وأكدت ماهيناز شريف، أحد الفائزات في البرنامج، لإعلام.أورج أنها تقدمت بشكوى إلى جهاز حماية المستهلك، وفي انتظار الرد الأسبوع المقبل، مشيرة إلى أن عدد كبير من الشباب تعرضوا للمماطلة من القناة، التي رفضت الدفع حتى الآن.
كما أوضحت ماهيناز شريف عبر حسابها الرسمي على موقع التواصل الاجتماعي “فيس بوك” تفاصيل ما حدث معها قائلة: “من حوالي سنة ونص شركة انتاج كانت كاتبة على فيسبوك أنها عايزة ناس لبرنامج مسابقات تليفزيوني و الجائزة ٥٠,٠٠٠ جنيه، البرنامج ده اسمه الهروب كان بييجي على الحياة قبل و بعد رمضان ٢٠١٥”.
وأضافت: “يوم التصوير طلبوا من المتسابقين إننا منقولش على الهواء حاجة عن الـ٥٠,٠٠٠ لأن في البرنامج المفروض الجائزة سبيكة ذهب كبيرة اوي، كسبت انا و ١٥ واحد من الـ٣٠ حلقة و كنت مستنية اخد المبلغ المتفق عليه بعد التصوير بس قالولنا وقت عرض الحلقة بتاعتكم هيجيلكم مندوب في البيت يسلمكم الجائزة، قلنا تمام مش مشكلة نستنى لرمضان اما يتعرض”.
وتابعت: “سنة كاملة البرنامج ماتعرضش و لما اخيرًا عرفنا ان قناة الحياة اشترت البرنامج و هتعرضه قبل رمضان، شركة الانتاج عملتلنا عقد (attached) معناه ان اول ما يبدأ يتعرض البرنامج نروح على المقر بتاع الحياة علشان نستلم الجائزة (٥٠,٠٠٠)… اول حاجة فوجئنا ان الجائزة هتبقى سبيكة ذهب علشان مصداقية القناة، طيب يا اخوانا السبيكة وزنها اد ايه؟ محدش عارف (مع العلم ان السبيكة العيرة اللي في التصوير كانت ٩٩٩,٩ جرام)”.
وحاولنا التواصل مع مسئول في قناة الحياة لكننا لم نحصل على رد.
