باسم يوسف: ليه إحنا الشعب الوحيد اللي مينفعش معاه إلا الجيش؟ - E3lam.Com
علق الإعلامي الساخر باسم يوسف على الوضع السياسي في مصر قائلًا: “أنا معرفش هل إحنا الشعب الوحيد اللي مينفعش معانا إلا الجيش، وإننا لازم نمشي بالكرباج؟ يعني شعوب العالم كلها اللي ماشية من غير حكم عسكري، هما قطعية وإحنا قطعية”.
وأضاف “يوسف”، خلال حواره مع الإعلامية وفاء الكيلاني ببرنامج “المتاهة”، على قناة “mbc” مصر: “أي شعب جاهز للديمقراطية، لو السلطة عايزة كده، وأهم حاجة في الديمقراطية المحاسبة”.
وأكد “يوسف” أن مصر خسرت برنامجه “البرنامج” في عهد الرئيس عبد الفتاح السيسي، مؤكدًا أنه لم يشمت في مصر عندما سخر من موقف الإعلام المصري من الرئيس الروسي بوتين عقب حادث الطائرة الروسية بسيناء.
وأوضح أنه لم ينتقد مشروع قناة السويس الجديدة، مشيرًا إلى أن انتقاده للمشروع كان بسبب ما وصفه بالشحن الإعلامي.
وعلق الإعلامي الساخر ، على سؤال الإعلامية وفاء الكيلاني له بشأن سبب موافقته على إجراء حوار معها، قائلًا: “عايز أعرف إنتي إزاي محافظة على جمالك ورونقك والشباب الدائم لحد دلوقتي”.
وأضاف “يوسف” أن ما فعله المحامي أبو بكر بعدما اشتكاه على “فيس بوك”، مقحمًا اسم الرئيس عبد الفتاح السيسي يشبه أفعال تلاميذ “خمسة ابتدائي”، مؤكدًا أنه قال له بعدها في رده على تغريدته، “استرجل ودافع عن نفسك بنفسك”.
وسألت “الكيلاني” يوسف قائلة “كان ليك في العيب والغلط وإنت صغير؟”، ليرد “يوسف” ساخرًا: “يعني إيه كان ليه في العيب والحرام، إيه يا مدام وفاء اللي بتقوليه ده، ده كلام عيب وحرام يا فندم”.