القط عن فساد الـ"600 مليار": ياريت
علّق الكاتب ممتاز القط، على تصريحات المستشار هشام جنينة رئيس الجهاز المركزي للمحاسبات حول وجود فساد يقدر بـ600 مليار جنيه، قائلا “والله ياريت.. معنى كدة البلد فيها كام تربليون لو في فساد بالمبلغ دا.. كان زمان مصر انتهت دي الميزانية أبيض يا ورد”.
وأضاف القط، خلال برنامجه “حصريا مع ممتاز” المذاع عبر فضائية “العاصمة” مساء أمس الخميس، قائلا: “لما يتقال رقم زي ده في وسائل الإعلام.. انا كمواطن إيه مشاعري.؟ هكره البلد واكره نفسي.. والناس مبقتش مستحملة”.
وتابع القط: “العمارة اللي وقعت في الشرقية .. شوفوا أحاديث الناس كانت بتقول إيه؟ كانوا بيقولوا افتحولنا الباب نهاجر من البلد دي.. الناس قرفت وزهقت”.
وأشار القط، إلى أن الرئيس السيسي، اتبع “سُنة حميدة”، وهي “مسابش الكلام يتقال ويعدي مرور الكرام”، وذلك بتشكيل لجنة للتحقيق في وقائع الفساد، مضيفًا: “بعض المسئولين لما يسمع عن قضايا فساد ميردش ويقول يلا السلامة.. لكن الرئيس العملية مش متعلقة به”.
واستكمل القط: “الرئيس مسابش كلام كدة يتقال لأن تأثيره على الناس بشع.. وليه في التوقيت ده ؟”.
https://www.youtube.com/watch?time_continue=216&v=mzLdqQLFe1k