أمين: النُخب السياسية خلوا الوطنية "يا انا يا انت"
استنكر تامر أمين مقدم برنامج “الحياة اليوم” المشادة الكلامية التي وقعت بالأمس بين الدكتور عمار علي حسن الباحث السياسي في مركز الأهرام للدراسات السياسية والاستراتيجية، والدكتورة لميس جابر عبر برنامجه، والاختلاف بينهما حول ثورة 25 يناير، قائلاً: “مدلول الواقعة اللي حصلت امبارح هو كاشف جداً وبيورينا الحالة الثقافية في مصر واصلة لحد فين”.
وأكد “أمين” أن كل شيء في الحياة قابل للاختلاف، سواء في الأحداث السياسية أو الاجتماعية أو الدينية أيضاً، متابعاً: “حتى ربنا في ناس مختلفين عليه والأنبياء هوجموا واضطهدوا وكان عليهم اختلاف… المشكلة عندما يتحول الاختلاف إلى تراشق وصراع وتخوين وتشويه، وهنا نطلع من فكرة حرية التعبير إلى فكرة الإقصاء، وهي الآفة التي نعاني منها في مصر منذ خمس سنوات”
واستطرد خلال حلقة اليوم من برنامجه الذي يُعرض على قناة الحياة: “للأسف النخب والسياسيين خلوا الوطنية يا انا يا انت، وده اللي حصل امبارح بين عمار علي حسن ولميس جابر، ودي المشكلة، احنا ماتربيناش على ثقافة الاختلاف وثقافة الرأي والرأي الأخر… واحنا عايزين نحول (يا انا يا انت) إلى (أنا وانت)”
وأشار أمين إلى إنه في مصر لابد من إنهاء أي مناقشة سياسية بـ “الشتيمة” المتبادلة بين الطرفين، مُضيفاً: “لما شاب عنده 20 سنة يشوف النخب أو قدوته السياسية مقطعين في بعض على الهواء، متوقعين إنه لما يشتغل سياسة هيشتغل ازاي؟!.. أنا رأيي بلاش نتخانق على الماضي ونسيب بكرة… كل واحد يقتنع بالأفكار اللي هو عايزها، يناير خلصت ويونيو خلصت وعندنا رئيس ونظام لا يختلف عليهم أحد”.