موسى يطلب "انتفاض" مجلس الأهلي ضد الأولتراس
طلب أحمد موسى، مقدم برنامج “على مسئوليتي”، من مجلس إدارة النادي الأهلي، بأن “ينتفض”، ضد ما قامت به جماهير الأولتراس، برفع لافتات ضد الجيش، في الذكرى الرابعة لمذبحة استاد بورسعيد، التي راح ضحيتها 72 من جماهير النادي.
وأضاف موسى، خلال حلقة اليوم الاثنين، من برنامجه المذاع على قناة “صدى البلد”، أن على مجلس إدارة الأهلي، أن يكون على قدر المسئولية، ويُصدر اليوم وليس غدًا بيان اعتذار “شديد اللهجة”، للقوات المسلحة والشرطة.
وتابع موسى: “اللي حصل النهاردة حدث جلل.. النهاردة الذكرى الرابعة لمذبحة بورسعيد اللي راح ضحيتها أصدقاء لينا.. ولكن اللي حصل النهاردة عيب أن تخرج قلة من الجماهير تسيء للجيش والشرطة والمشير طنطاوي”.
وأشار موسى، إلى أن “إهانة المشير طنطاوي والمؤسسة العسكرية لا تتم إلا من مدسوس أو مزروع استغل وجود الجماهير”، وأضاف: “ما إحنا عرفنا دلوقتي مين العصابة الإرهابية اللي خططت وشاركت في اللي حصل”.
واسنكمل: “انت مين انت عشان تهين طنطاوي؟ .. المشير طنطاوي أشرف من أي حد يتكلم عليه.. هناك شباب مندفع وغير واعي وليس له انتماء للبلد.. اللي حصل النهاردة تم من قبل شباب مش متربي ولا يعبروا عن جمهور النادي الأهلي “.
وعرض موسى صورة للافتة رفعتها جماهير الأولتراس كتب عليها “جمهور الأهلي لا يعتذر لقتلة”، وذلك ردًا على اعتذار مجلس إدارة الاهلي، للقوات المسلحة ، بعد أن قامت الجماهير في السابق، بسب المشير طنطاوي، على إثر أحداث مذبحة بورسعيد.
ووجه موسى حديثه لمجلس إدارة الأهلي قائلًا : “أنا عايز محمود طاهر يطلع يعتذر النهاردة مش بكرة وكل واحد أساء للجيش امنعه من دخول النادي الأهلي.. خايفين على الكرسي؟ كرسي ايه يا أبو كرسي.. دي لحظة فارقة بيني وبين مجلس الاهلي لغاية ما تصدروا بيان.. وإلا هيبقى فراق بيني وبينكم لغاية ما تقعدوا في بيوتكم”.
ووجه موسى التحية للشرطة قائلًا: “بحيي الشرطة النهاردة على أنهم بعدوا عن الموضوع وياريت الأحداث الجاية تبعدوا خمسة كيلو عشان ماتشيلوهاش لأنهم عايزين يرتبوا للشرطة أحداث قادمة”.