مشادة بين الإبراشي وعضو مجلس الأطباء بسبب وفاة 7 أطفال
هبة سمك
علق الدكتور خالد سمير، عضو مجلس نقابة الأطباء، على وفاة 7 أطفال، داخل قسم جراحة قلب الأطفال، بإحدى مستشفيات عين شمس، خلال مداخلة هاتفية مع الإعلامي وائل الابراشي”، في برنامجه “العاشرة مساء”، المذاع على دريم، أن من كل 10 أطفال يجرون عمليات بالقلب يموت طفل واحد، مستنكرا هجوم الإعلام على الأطباء بسبب وفاة هذه الحالات.
ومن جانبه رد عليه “الابراشي”، قائلا:” احنا أمام مجزرة جماعية لما 7 أطفال يموتوا كدة، والناس تصرف فلوسها وولادها تموت”، متسائلا، كيف يموت 7 اطفال فى اسبوع واحد؟.
فهاجمه “سمير”: ” مش عارف انت خبير فى جراحة الأطفال اكثر مني، ده عقاب جماعي للاطباء، علشان موقفهم من الشرطة، انا لا استطيع احياء الموتي، إحنا بنجري 700 حالة جراحة قلب فى السنة الواحدة، بدون أي إمكانيات، ولا مقابل، ليه بيهجمونا كدة”.
وتابع: ” من حق أهالي الأطفال اللجوء إلى النيابة العامة، ولجنة أداب المهنة بنقابة الأطباء، فبلاش تهييج للرأي العام.”
ومن جانبه رد عليه الابراشي، ” هو انا بحسبك علشان اللى مات ابن ظابط شرطة دول أطفال أبناء عائلات بسيطة” ، واستنكر الإبراشي اتهام عضو مجلس النقابة بالتحامل علي الأطباء قائلاً “لو انت بتتهمنا بكدة فكل البرامج، جات ليها توصيات عشان نهاجمكم، وهنشيلكم علي الاعناق يا دكتور علشان مات 7 اطفال وأنصح أهالي الأطفال شغلوا الأغاني وارقصوا، وابعدوا عن التهييج.”
فرد عليه ” سمير”، : ” الإمكانيات ضعيفة جدا، وإحنا بنعمل من الفسيخ شربات، وبدل ما يتم دعمنا، يتم مهاجمتنا هجوم مخرب من الإعلام.”
فاختتم الإبراشي حديثه معه قائلا:” مافيش موضوعية مع الموت يا دكتور، وألف مبروك على وفاة سبعة أطفال.”