الجندي عن قلة الاتصالات في برنامجه: حظي كدة
علق الشيخ خالد الجندي، على قلة الإتصالات المشاركة في برنامجه “نسمات الروح”، قائلًا: “ربنا يرزقنا بأي تليفونات كدة إن شاء الله.. لان البرنامج بتاعي من أقل البرامج تليفونات للأسف الشديد.. حظي كدة.. معلش خير وبركة”.
وفي سياق آخر، طلبت إحدى المتصلات، وتدعى هدى، خلال حلقة اليوم الخميس، من البرنامج المذاع على قناة الحياة، من الجندي، الدعاء لابنها بعد تطاوله عليها لفظيًا قائلًا “روحي في داهية تاخدك”.
الجندي لم يستوعب الأمر، حتى أنه استفسر منها أكثر من مرة عن حقيقة ما قاله الابن، وأضاف: “انتي في كارثة.. الموضوع ده في جيلنا كانت تضيع فيه رقاب”.
تابع الجندي: “ده الجيل بتاع أفلام البلطجة وإبراهيم الأبيض وحبيشة.. ده اللي خدناه من أفلام المطاوي والسنج والعشش”.
أكد الجندي، أنه مُصر على اعتبار مسرحيات مثل “مدرسة المشاغبين”، و”العيال كبرت”، هي بمثابة اعتداء أخلاقي، وتابع: “اللي عايز يلتمس العذر لهذا الولد ده شيء يخصه لكني لا ألتمس له عذرًا”.
استكمل الجندي منفعلًا: “قطع لسانه.. والست من كرمها بتقول ادعيله.. شفتوا رحمة أكتر من كدة؟.. والله لو لحس جزمتها دلوقتي لن يعتبر اعتذار لها”.
اقرأ أيضًا:
٢٣ دقيقة ساخنة لمرتضى منصور ضد عمرو أديب
5 أسباب تفسر النجاح السريع لنهار جديد
النهار وريهام سعيد ..شهور الفرص الضائعة
20 ألف جنيه وراء اعتزال تامر عبد المنعم
ماذا فعلت الميديا في أزمة الدرب الأحمر؟
يوتيوب يغلق حسابات القنوات في هذه الحالات
.