عزمي مجاهد للحسيني: انت مين عشان تتكلم عن السيسي؟
هاجم الإعلامى عزمى مجاهد، مقدم برنامج “الملف”، الإعلامي يوسف الحسينى، بعد انتقاده لخطاب الرئيس السيسى، خلال مؤتمر “مصر 2030″، قائلاً : “إنت مين عشان تتكلم على رئيسنا وما تاريخك وماذا قدمت لمصر للتحدث عن الرئيس بهذا الأسلوب، قمة الجهل والسفالة وقلة الأدب اللى بيتكلم بهذا الأسلوب، والشعب مصدق الرئيس وإنت تسكت”، على حد تعبيره.
وواصل عزمي ببرنامجه” الملف” المذاع عبر فضائية “العاصمة”، الهجوم قائلاً: “ابعد إنت من المشهد.. إنت بتحلل خطاب الرئيس وبتفهم الموضوع على مزاجك ليه!..بص لنص الكباية المليان ياعم يوسف والغرض مرض وإنت بتحب الكباية وميصحش الكلام ده”.
https://www.youtube.com/watch?v=S_jNgiHbmSU
كما هاجم عزمي الإعلامي جابر القرموطى، قائلاً: “مصر ليست على أعتاب فرعون جديد يا أخ قرموطى واحنا عندنا رئيس منتخب ومش فرعون”، مستطرداً: “السيسى صادق وأمين وقال متسمعوش بتوع يناير المفسدون فى الأرض وبتوع الفتة والسوشيال ميديا والإخوان أهل الشر والناس اللى عاوزة تخرب البلد”.
استكمل عزمي: “الأخ يوسف طول الليل سهران ويجي يتكلم على الرئيس كدا.. الرئيس بيكلم الغلابة بتوعه والشعب بتاعه.. ياعم إيه دخلك ابعدوا عن المشهد عشان المنظر بقى وحش وميصحش وعيب”.
وقال “مجاهد ببرنامجه” الملف” المذاع عبر فضائية “العاصمة”: “أنا امبارح نمت مبسوط وسعيد جدا لأن الناس كلها سعيدة.. الرئيس حاسس بينا وإحنا حاسين بيه وعاوزينه كدا.. وإحنا مبسوطين من ريسنا وشوفلكم حتة تانية”.
وتابع: “هو كل واحد موجهه وصاحب أجندة يقرف فى مخاليق الله ولا إيه!.. إنت قدمت ايه لمصر.. اتبرع بحاجة من الملايين اللي بتاخدها يا يوسف”.
https://www.youtube.com/watch?v=A8_PoBThJAE
اقرأ أيضًا:
8 معلومات عن صاحب إعلان بيع الرئيس
10 معلومات عن الراقصة التي ظلمها أحمد شيبة
٢٣ دقيقة ساخنة لمرتضى منصور ضد عمرو أديب
5 أسباب تفسر النجاح السريع لنهار جديد
النهار وريهام سعيد ..شهور الفرص الضائعة
20 ألف جنيه وراء اعتزال تامر عبد المنعم
.