الدسوقي رشدي لمرتضى: عفاريتك مش هتنفعك
علّق الإعلامي محمد الدسوقي رشدي على إسقاط عضوية توفيق عكاشة من مجلس النواب قائلًا: “هي مش شماتة خالص، هي محاولة لقراءة الوضع الحالي والتساؤل: هل موسم الحصاد بدأ ولا إيه؟ ده السؤال اللي شاغل كل الناس الكام يوم اللي فاتوا”.
وأضاف “رشدي” خلال مقدمة حلقة اليوم، الخميس من برنامج “آخر النهار” الذي يُعرض على قناة “النهار”، مهاجمًا كلًا من رئيس نادي الزمالك، مرتضى منصور وتوفيق عكاشة، قائلًا: “يمهل ولا يهمل.. هتظلم هتقع، ربك ما بيسيبش حد، هتتسلط على ناس هتلاقي اللي يتسلط عليك، هتشتم الناس بأمهاتهم هتلاقي اللي بيرد عليك الشتيمة بأفظع منها، هتخوّن الشباب هتلاقي نفسك إنت اللي بتتخوّن وبتتذلل للميس جابر ومرتضى منصور”.
وتابع مقدم برنامج “آخر النهار” هجومه على رئيس الزمالك، قائلًا: “هتتمادى في تهديد الناس بسيديهات، ربنا هيطلعلك ميدو من حيث لا تدري، ويقول إنك أول رئيس نادي في مصر يجيب دجال عشان يحط تشكيل الماتش، وساعتها لا هينفعك تهورك ولا هتنفعك عفاريتك”.
واستطرد الدسوقي رشدي حديثه: “المشكلة مش في الشتيمة، المشكلة إنه بيتكلم عن الدين والأخلاق والعفة، وإنه طهّر الزمالك من ميدو، لكن هل هو فكر مرة واحدة إنه يستخدم كتب الحديث والفقه عشان يشوف الدين بيقول إيه على اللي بيستخدموا الألفاظ البذيئة في وصف الناس”، مُختتمًا: “كل من تلوّن وخوّن وطعن في الأعراض هيكون مصيره زي توفيق عكاشة، مصر مش هترضى أن تكون هذه النماذج هي سطوتها وسلطتها”.
اقرأ أيضًا:
القائمة الكاملة للمرشحين لجوائز السينما العربية
أول تعليق لكاظم الساهر على اعتزال شيرين
أول ظهور لميسى على قناة عربية
بالصور.. أول ظهور لأحفاد عادل إمام
عاصفة “ميدو” ضد مرتضى منصور
.