هالة فاخر للنشطاء: الرئيس بيسافر عشان يجيبلكم "المم"
شنّت الفنانة هالة فاخر هجومًا حادًا على من وصفتهم بـ”نشطاء الفيسبوك” الساخرين من أي أفعال إيجابية من قِبل الحكومة، بحسب قولها، قائلة لهم: “اللي مايعرفش يقول عدس”.
واصلت “فاخر هجومها خلال مقدمة برنامجها “انتبهوا أيها السادة” الذي يُعرض على قناة “الحياة”، اليوم، السبت، قائلة: “أنا بقول الجملة دي لبعض الأشخاص الفاضيين اللي مش وراهم غير التريقة عمال على بطال على كل حاجة ومش عاجبهم العجب، والتريقة المرة دي كانت على دولة كازاخستان اللي زارها الرئيس عبد الفتاح السيسي مؤخراً واعتبروها دولة مش مهمة وانهم مش لاقيين سبب للزيارة”.
وتابعت: “يا حضرات السادة النشطاء ياللي معندكوش غير التريقة بجهل واستظراف، دولة كازاخستان من أهم الدول المُصدرة للقمح على مستوى العالم وكان من أهم بنود الزيارة الاتفاق على توريد صفقات قمح لمصر بأسعار معتدلة… يعني الرئيس سافر عشان يجيبلكم المم، فهمتوا ولا نقول كمان؟”، مُضيفة: “ياريت تنقطونا بسكاتكم طالما مش عايزين تشتغلوا، وسيبوا اللي يشتغل يشتغل من غير إحباط وسخافة وتقل دم”.
كانت فاخر قد هاجمت في إحدى حلقات البرنامج، بعض الشباب واعتبرتهم “من مروجي الشائعات”، لافتة إلى أن بعض المصريين أصبحوا يصدقوا الشائعات الموجودة على “فيسبوك”، واصفة من يُطلق تلك الشائعات بأنهم “فشلة”، مُضيفة: “دول مش نافعين، ومانفعوش في مظاهراتهم فشغالين علينا اليومين دول بأنهم بيكذبوا أي حاجة بتحصل أو المشروعات اللي بتتعمل، يالا هنعمل لهم إيه ربنا ياخدهم”.
كما نفت مُقدمة برنامج “انتبهوا أيها السادة” وجود أزمة بطالة في مصر، مُتابعة: “مفيش أزمة بطالة لكن في أزمة بَطِرَ، وكل واحد عايز وظيفة تفصيل على مقاسه.. لازم نشتغل بجد ونبني ونعمر البلد”.
اقرأ أيضًا:
البلاتوه.. من 1980 وأنت طالع
لماذا الحملة الأخيرة ضد مرتضى هى الأكثر جدية؟
خاص: نكات سياسية وراء اختفاء أبلة فاهيتا
سألنا شيماء عبد المنعم: what about الحملة العنيفة ضدك؟
القائمة الكاملة للمرشحين لجوائز السينما العربية
.