كلمات أغنية "عادي انساك" لـ رامي جمال
طرح الفنان رامي جمال ألبومه الجديد "خليني أشوفك" عبر قناته الرسمية على موقع الفيديوهات "يوتيوب"، ومن بين أغاني الألبوم، أغنية "عادي انساك".
أغنية "عادي انساك" من كلمات عمرو حسن وألحان مصطفى العسال وتوزيع وفواصل موسيقية محمد مجدي ومكس وماستر محمد مجدي وجيتار محمد مغربي.
نرشح لك: كلمات أغنية "بيكلموني" لـ رامي جمال
وجاءت كلمات الأغنية كالتالي:
وعادي انساك
ولو حتى الزعل طوّل
وحبي لدنيتي اتحوّل
ولو هارجعها م الأول
وهاعمل دنيا من غيرك
رصيدي معاك
طلع بالصفر وأنا سايبك
ولو شوفت الحنين جايبك
هتاخد م الوجع نايبك
وبرضه أهو كله من خيرك
ما قبلك ناس كتير عدت
ماشوفتش دنيتي اتهدِّت
وبعدك ناس هتنسانا
وترمي الحزن جوانا
واجعني بس أوقاتنا وشوارعنا وحكاياتنا
وغنوة ف يوم سمعناها وشيلت مشاعري جواها
مافيش أحزان مابتعديش
أكيد هتموت وأنا اللي هعيش
تفوت أيام
وأنا اللي حسبته مش هيمُر
هيبقى زي خيط بيكُر
وزي ما وقت عدى بمُر
هييجي وقت هفرح فيه
نويت قدام
أدوّر ع اللي ضاع مني
وناس بعيوبي حابينني
وهلقى ناس مقاسمينّي
ف أي طريق نويت امشيه
يضم ألبوم "خليني أشوفك" لـ رامي جمال 15 أغنية هي: خليني أشوفك، بقول وأكدب، بضيع وقت، فستانك أبيض، شاهد الله، أوقات، أهو، قلبي خام، عادي انساك، أنت مين، سوء تفاهم، قولي أه، ذكريات هوانا، بيكلموني، هنسى اسمك.